Saturday, April 24, 2010

அது ஒரு கடினமான நேரம்...



பிரிவின் வலியை உணர்ந்தவர்களை
போய் கேளுங்கள்
அவர்கள் சொல்வார்கள்
பிரிவு தரும் ரணமான நேரங்களை...

யாராலும் தாங்கிக் கொள்ள
முடியாது தான்.

நான் இதுவரை காதலின் பிரிவை
சந்தித்ததே இல்லை.

ஏனென்றால் எனக்கு இதுதான்
முதல் காதலாக அகப்பட்டது.

அவளும் நானும் அப்படி
ஒரு காதல் செய்தோம்.

தமிழில் புதிய எழுத்துகளை
கண்டுபிடித்தால் சொல்லுங்கள்
அதில் தேடலாம்
எங்கள் காதலின் புனிதத்தை
சொல்லும் வார்த்தைகளை...

அவளும் நானும் அப்படி
ஒரு காதல் செய்தோம்.

ஆனால் இப்போது
எல்லாமும் முடிந்து போயிருந்தது
என் இதயம் வெற்றிடமாய் இருக்கிறது.

அதில் நான் வடித்த
கண்ணீர் துளிகளில்
உள்ள உப்புத்துகள்கள்
நிரம்பி கிடக்கின்றன.

எந்த அளவுக்கு 'வழியவழிய'
காதலித்தாலோ
அந்த அளவுக்கு
'வலிக்க வலிக்க' ரணங்களையும்
கொடுத்து விட்டு போனாள்.

எல்லாமும் முடிந்து போயிருந்தது.

இப்போதும் கூட
தினமும் பார்க்கிறேன்

எதுவும் நடக்காதது போல...
இன்னமும் அவள் என்னை
தாண்டித்தான் செல்கிறாள். 
Cine Actor & Actress Images

Wednesday, April 21, 2010

கண்ணீர் விடும் என் இதயம்

நான் காதல்
கொண்டபோது
வேப்பஞ் சாறும்
இனித்தது
காதலி காதலை
கொன்ற கணத்தில்
தேனும் கசந்தது

உனக்காக நான்
துடிக்கிறேன்
ஆனால் நீயோ
என்னைத் தவிர
யார் யாரையோ
நினைக்கிறாய்..
இப்படிக்கு,
கண்ணீர் விடும் என் இதயம்

ஓஹோ இதுதான் காதலோ

நேற்று வரை
அவளிடம் பேச
பயந்த எனக்கு,
இன்றெப்படி வந்தது
தைரியம்!
அவளுக்கு திருமண
வாழ்த்துச் சொல்ல...?

ஓஹோ இதுதான் காதலோ
Cine Actor & Actress Images

அவளின் பார்வை

தவிர்த்தலுக்கென்றே
ஒரு பார்வை
வைத்திருக்கிறாய்-நீ
தவிப்பதற்கென்றே
ஒரு இதயம்
வைத்திருக்கிறேன் நான்.
Cine Actor & Actress Images

Monday, April 19, 2010

காதலை சொன்ன பின்பு வந்த தவிப்பு

* னக்கு

தெரியாமலேயே...

போவதில்

என்ன பயன்

உன்னை உருக உருக

காதலித்து...

* உன்னை காதலிக்க

நினைத்த போதே...

என் மிதமிஞ்சிய ஆசைகளை

பூட்டி வைத்து விட்டேன்

ஏனென்றால்

என்னை இழக்க

என் வீட்டார் தயாரில்லை

* நீ தலை குனிந்து

போகும் போதெல்லாம்

என்னை பார்த்து

நமட்டுச் சிரிப்பு

சிரிக்கிறது

உன் தலையில் இருக்கும்

பூ...

* சொல்லாமல் இருந்திருக்கலாம்

சொன்னதால்

வேண்டாம் என்று

சொல்லி விட்டாய்.. 
Cine Actor & Actress Images

Friday, April 16, 2010

என் காதல் கவிதை

முனிவர்கள்
கடவுளைப் பார்ப்பதற்காகத்
தவம் இருக்கிறார்கள்.
நானோ,
ஒரு தேவதையைப் பார்த்துவிட்டு
தவம் இருக்கிறேன்  
முனிவருக்கு  கடவுள் மேல் இருப்பது  பக்தி எனக்கு  அவள் மேல் இறுப்பது  காதல் அவளுக்கு  என்மேல் இறுப்பது  வீண் கோபம்விட்டு விடு கோவத்தைஇல்லை  விட்டு விடுவேன் என் உயிரை

Tuesday, April 6, 2010

என்னவளின் அழகு

என்னை எங்கு பார்த்தாலும்
ஏன் உடனே நின்று
விடுகிறாய்?’ என்றா
கேட்கிறாய்.
நீ கூடத்தான்
கண்ணாடியை எங்கு
பார்த்தாலும்
ஒரு நொடி நின்று விடுகிறாய்.
உன்னைப் பார்க்க உனக்கே
அவ்வளவு ஆசை இருந்தால்
எனக்கு எவ்வளவு இருக்கும்!

ஊமை காதல்

அற்புதமான காதலை
மட்டுமல்ல
அதை உன்னிடம்
சொல்ல முடியாத
அதி அற்புதமான
மௌனத்தையும்
நீதான் எனக்குத்
தந்தாய் 
 

காதல் கவிதை

எல்லா காதல்பாடல்களும்
உன்னைப்பற்றியே
எழுதப்பட்டிருப்பதாக
தோன்றுகிறது
எனக்கு.. 
 
எல்லாக் கவிதைகளுமே
உன்னைப்பற்றியவைதாம் எனினும்
ஒரு கவிதைகூட
உன்னைப் மாதிரி இல்லையே

உன்னைப்பற்றிக் கவிதை எழுதிக்கொண்டிருக்கிறேன்
நீயே கவிதையென்பதை உணராமல்

காதல் கவிதை

எதற்காக

நீ கஷ்டப்பட்டுக் கோலம்

போடுகிறாய்…?

பேசாமல்

வாசலிலேயே

சிறிது நேரம் உட்கார்ந்திரு.

போதும்

காதல் கவிதை

பல நூற்றாண்டுகள் ஆகுமாமே
ஒரு வைரம் உருவாக.
நீ மட்டும் எப்படி
பத்தே மாதத்தில் உருவானாய்?

காதல் கவிதை

அடிக்கிற கைகள் எல்லாம்
அணைக்குமா என்பது தெரியாது.
ஆனால், நீ அடிப்பதே
அணைப்பது மாதிரிதான்
இருக்கிறது.

என் காதல் அழுகிற குழந்தை மாதிரி

துடிப்பதைவிட
உன்னை நினைப்பதற்கே
நேரம் சரியாக இருக்கிறது
என் இதயத்திற்கு


உன்னை ஏன்
இப்படி கதலித்துத்தொலைக்கிறேன்
அடிக்கிற அம்மாவின்
கால்களையே கட்டிக்கொண்டு
அழுகிற குழந்தை மாதிரி

காதலின் பிரிவு

பயணம் முடிந்ததும்

நீ வீசிவிட்டுப்போன பயணச்சீட்டு

வீதியிய் புலம்பிக்கொண்டிருந்தது

பயணம் முடிந்துவிட்டதை நினைத்து

என்னை போல

அழகு

சீப்பெடுத்து

உன் கூந்தலைச் சீவி

அலங்கரித்துக்கொண்டாய்.

அந்தச் சீப்போ

உன் கூந்தலில் ஒரு முடி எடுத்து
 
தன்னை அலங்கரித்துக்கொண்டது.